ເມືອງຈັນທະບູລີ

ນະຄອນຫຼວງວຽງຈັນ

info@laowebmaster.com

24/7 ການຊ່ວຍເຫຼືອລູກຄ້າ

ໂດເມນເນມ (Doamin Name) ແມ່ນຫຍັງ ?

ໂດເມນແມ່ນຊື່ຂອງເວັບໄຊ, ທີ່ຢູ່ຂອງເວັບໄຊ ຫຼື ສິ່ງທີ່ເຮົາພິມຢູ່ທີ່ Address Bar ຂອງເວັບບຣາວເຊີ (Web Browser). ຕົວຢ່າງເວລາເຮົາຈະເຂົ້າເບິ່ງໜັງຢູ່ Youtube ຈະຕ້ອງພິມຄຳວ່າ www.youtube.com ສິ່ງນີ້ແມ່ນໂດເມນເນມນັ້ນເອງ, ໂດຍໂດເມນເນມຈະແບ່ງອອກເປັນ 3 ສ່ວນ, ນັບຈາກຫຼັງມາໜ້າ ຫຼື ຈາກຂວາຫາຊ້າຍ ເຊັ່ນ:

  • .com ເຮົາເອີ້ນວ່າ top-level domain ປຽບເປັນນາມສະກຸນຂອງເວັບໄຊເອງເຮົາ;
  • youtube ເອີ້ນວ່າເປັນຊື່ໂອເມນ ເປັນຊື່ສະເພາະຂອງໂດເມນຂອງເຮົາ ມັກຈະເປັນຊື່ບໍລິສັດ, ຊື່ຮ້ານອາຫານ, ຊື່ອົງການ, ຊື່ໂຮງແຮມ, ຊື່ທະນາຄານ ຫຼື ຊື່ເຮືອນຂອງເຮົາ ຈຶ່ງບໍ່ສາມາດຊໍ້າກັນໄດ້;
  • www ເອີ້ນວ່າ sub domain ເປັນຊື່ຍ່ອຍໃນໂດເມນຂອງເຮົາ ຊຶ່ງ www ກໍຄືເວັບໄຊນັ້ນເອງ ທີ່ຈິງແລ້ວສ່ວນນີ້ບໍ່ຈຳເປັນຕ້ອງໃຊ້ກໍໄດ້.

ເວລາຈົດໂດເມນ ຫຼື ລົງທະບຽນໂດເມນ ເຮົາຈະນຳໃຊ້ສະເພາະສ່ວນທີ່ 1 ແລະ ສ່ວນທີ່ 2 ເທົ່ານັ້ນ ເຊັ່ນ: youtube.com,  google.com, amazone.com, yahoo.com, laogov.gov.la ແລະ ອື່ນໆ

Top Level Domain Name

Top-Level Domain ໂຕຫຍໍ້ TLD ນຳໃຊ້ສຳລັບຈັດກຸ່ມເວັບໄຊ ເຊັ່ນ:
  • .com ໝາຍເຖິງບໍລິສັດ ຫຼື ໂຮງແຮມ;
  • .net ໝາຍເຖິງ ຜູ້ໃຫ້ບໍລິການເຄືອຂ່າຍ;
  • .org ໝາຍເຖິງອົງການ ຫຼື ຫ້ອງການ ທີ່ບໍ່ຫວັງຜົນກຳໄລ.

ນອກຈາກນັ້ນ ຍັງມີ TLD ອື່ນໆ ອີກຫຼາຍໃນໂລກນີ້ ເຊັ່ນ: .stream, .win, .website, .solutions ຍັງມີກຸ່ມ .com, .net, .org ເຮົາເອີ້ນວ່າ generic top level domain ຊຶ່ງນຳໃຊ້ທົ່ວໄປ ແລະ TLD ຍັງມີລະດັບປະເທດ ຕົວຢ່າງ: ປະເທດລາວກໍຈະລົງທ້າຍດ້ວຍ .la ດັ່ງນີ້:

  • .com.la ໝາຍເຖິງ ເວັບໄຊ ບໍລິສັດ ຫຼື ໂຮງແຮມ
  • .net.la ໝາຍເຖິງ ເວັບໄຊ ຜູ້ໃຫ້ບໍລິການເຄືອຂ່າຍ
  • .org.la ໝາຍເຖິງ ເວັບໄຊ ອົງການທີ່ບໍ່ຫວັງຜົນກຳໄລ
  • .edu.la ໝາຍເຖິງ ເວັບໄຊ ໂຮງຮຽນ ແລະ ສະຖານສຶກສາ
  • .gov.la ໝາຍເຖິງ ເວັບໄຊພາກລັດ
ການຕັ້ງຊື່ ແລະ ເລືອກ ໂດເມນເນມ ທີ່ດີ ຕ້ອງເລືອກດັ່ງນີ້:
  • ຕັ້ງຊື່ສັ້ນ ເພື່ອໃຫ້ຈື່ງ່າຍ
  • ເລືອກ .com ຍ້ອນວ່າຄົນສ່ວນຫຼາຍ ຍັງຄິດວ່າເວັບໄຊຕ້ອງແມ່ນ .com ຊຶ່ງ .com ຈຶ່ງຈື່ໄດ້ງ່າຍ
  • ຊື່ຕ້ອງກ່ຽວຂ້ອງກັບທຸລະກິດ ຫຼື ເປັນຊື່ສະເພາະຂອງທຸລະກິດ amazone.com, ebay.com (ບໍລິສັດອາເມຊອນ ແລະ ອີເບ) ຫຼື gmail.com (ບໍລິການອີເມວຟຣີ) ເປັນຕົ້ນ.